Стартапуудын амжилтыг хурдасгах “MStars Hub”
“MStars Hub” хурдасгуур хөтөлбөрт нийт 36 салбарын 160 стартапууд элсэх хүсэлтээ ирүүлснээс 11 стартап сонгогдож цаашдын амжилтаа хурдасгах аяллаа аравдугаар сарын 06-ны өдөр эхлүүлээд байна.
Хурдасгуур хөтөлбөрт бидний өдөр тутмын амьдралд үргэлж тохиолддог асуудлыг хялбаршуулах шийдлийг олж, хэрэглэгчдийн цаг завыг хэмнэх технологийн шинэ шийдлүүдийг Монголдоо нэвтрүүлэх зорилготой стартапууд шалгараад байгаа юм.
- Бизнесийн загвараа зөв тодорхойлж, ур чадвараа нэмэгдүүлэх мастеркласс хичээлүүдэд хамрагдах
- Үнэгүй, тохилог оффист байрлах
- Хөрөнгө оруулагчид болон түнш компаниудтай холбогдох
- Олон улсын болон дотоодын шилдэг менторуудын заавар, зөвлөгөөг авах
- Мөн 15-30 сая төгрөгийн тэтгэлэг/грантыг хүртэх юм.
MStars Academy-ийн сурагчид болон MStars Hub-ын стартапууд өөр чиглэлийн үйл ажиллагаатай төслүүд хэдий ч хамтдаа нэг оффист байрласнаар танилын хүрээгээ тэлж, харилцаа холбоо үүсгэх, цаашлаад стартапууд дараачийн хөгжүүлэгчээ олох, харин хөгжүүлэгчид ирээдүйн ажлын байраа олох боломж бүрдэж байгаа юм.
Эх сурвалж: https://ikon.mn/n/2cmr